——-
يا بلادى يا بلادى
انا بحبك يا بلادى
قولوا لأمى ماتزعليش
وحياتى عندك ماتعيطيش
قولوها معلش يا أمى
اموت واموت وبلدنا تعيش
أمانة تبوسولى إيديها وتسلمولى على بلادى
يا بلادى يا بلادى انا بحبك يا بلادى
ف جسمى نار ورصاص وحديد
علمك فى إيدى وإسمى شهيد
بودع الدنيا وشايفك يا مصر حلوه ولابسه جديد
لاخر نفس فيا بنادى
بموت وانا بحب بلادى
يا بلادى يا بلادى انا بحبك يا بلادى
طايرين ملايكه حوليّا طير
لحظة فراقك يا حبيبتى غير
همشى معاهم وهاسيبك
واشوف يا مصر وشك بخير
قالولى يلاااااا ع الجنه
قولتلهم الجنه بلادى
يا بلادى يا بلادى انا بحبك يا بلادى
……
انا هقول لأ
عشان مصر تستحق احسن من كده
وانت لازم تقول رأيك حتى لو نعم
المهم انك تقول
عشان صوتك هيفرق مع مصر اكييييييييد
وربنا يحميها
أهاااجر واسيبك لمين…
ولسه صبية ونيلك حزين
ولسه لبكرة مليكي الحنين
اسيبك لمين … ؟؟!!!؟؟
ومين راح يرد لتاريخك صباه
ويمشى طريقك لآخر مداه
ومين من حياته يجيبلك حياة
ومين راح يكبَّر في وقت الصلاة
ومين يبىقى مُغرم بحبك صبابة
ومين يحمي طيبتك يا أم الطيابة
ومين يبقى ضلة في شمس الغلابة
ومين يبقى شوكة في حلق الديابة
أسيبك لمين ؟… اسيبك لمين..؟!!
Download