مدونة نزيف كلمات

كلما أكتب شيئاً يرحل عنى.

فكلما أتألم …أبكى… فأكتب… فيرحل البكاء ..وتأتى الأفكار ..نزيف من الأفكار أترجمه أنا إلى نزيف من الكلمات.

اذا ساكتب عن كل شىء اريده حقيقة فى عالمى.

ساكتب خيالى على الورق ليتحرر من عقلى ويصبح واقعا.

حتى تثور الكلمات علينا فتُفضح أخطاءنا وتُنقى أرواحنا

… مروة أشرف … 🙂

http://nazefkalemat.wordpress.com/

اسماء السماوات السبع

أســـمــاء الســمـــوات الســـبــع و ألــــــوانــــهـــــا

إسم السمـاء ا الأولـى

…رقيـع
……
وهـي مـن دخـان

إسم السماء الثانيه

قيـدوم

وهـي علـى لـون النحـاس

إسم السماء الثالثه

المـاروم

وهـي علـى لـون النـور

إسم السماء الرابعه

أرفلون

وهـي علـى لـون الفضـه

إسم السماء الخامسه

هيفوف

وهـي علـى لـون الذهـب

إسم السماء السادسه

عروس

وهـي ياقوتـه خضـراء

إسـم السمـاء السابعـه

عجمـاء

وهـي دره بيضـاء

حبيبتى من ضفايرها طل القمر

حبيبتى من ضفايرها طل القمر

وبين شفايفها ندى الورد بات

ضحكتها بتهز الشجر والحجر

وحنانها بيصحى الحياة فى النبات

حبيبتى بتعلمنى احب الحياة

من حبى فيها حياتى شمس وربيع

والحب فى الدنيا طوق النجاة

لولاه يضيع قلبى المحب الوديع

يا حلوة يا بلدنا  يا نيل سلسبيل

فى حبك انتى رفعنا راسنا لفوق

لو الزمن ليل ما يرهبنا ليل

شوقنا فى عروقنا تصحى شمس الشروق

للحلوة قلب كبير يضم الولاد

وزاد وزواده وضله وسبيل

الموت و الإستشهاد عشانها بلاد

وكلنا عشاق ترابها النبيل

حبيبتى من تنهيدها حن الوتر

غنت سحر صوتها الشجر والنخيل

بتعلم النجم البعيد السهر

وساب سماه وسرح فى موجك يا نيل

حبيبتى غنوتها غيطان الحنان

شموسه صافيه نورها ماينطفيش

فى حضنها بنرتاح ونلقى الامان

 ونعيش و حتى ان موتنا ليها نعيش

يا حلوة يا بلدنا يا نيل سلسبيل

فى حبك انتى رفعنا راسنا لفوق

لو الزمن ليل ما يرهبنا ليل

شوقنا فى عروقنا تصحى شمس الشروق

للحلوة قلب كبير يضم الولاد

وزاد وزواد وضل وسبيل

الموت و  الإستشهاد عشانها بلاد

وكلنا عشاق ترابها النبيل

كلمات : سيد حجاب

الحان  :عمار الشريعى

بصوت : خالد سليم

download

بعد ما لف وبعد ما دار

بعد ما لف وبعد ما دار ,, بعد ما هدى وبعد ما ثار
بعد ما داب واشتاق واحتار
حط الدبلة وحط الساعة
حط سجايرة والولاعة ,, علق حلمة على الشماعة
شد لحاف الشتا على جسمة,, دحرج حلمة و همه واسمة
دارى عيون عايزين يبتسموا
اللى قضى العمر هزار
واللى قضى العمر بجد ,,

شد لحاف الشتا من البرد

شقاوة شات

لما وحشنى فضلت أفتح و اقفل .. أقول هتكـــلم واعقل واسكت
لقيتـــه بيكتب حاجة…………………………………..

،……………………………………عايزنى انا أبدأ ؟؟
زهقــــت وقولتــــل والله هــقفل .. قاللى ما بدرى طب قولى ازيك
قــــــولت ازيك عـــايز حاجة ؟؟ .. كتبلى بحبّـك ووش بيضــحك 😀 😉

نعيب زماننا

نعيب زماننا و العيب فينا***** و ما لزماننا عيب سوانا

و نهجو ذا الزمان بغير ذنب***** و لو نطق الزمان لنا هجانا

فدنيانا التصنع و الترائي***** و نحن به نخادع من يرانا

و ليس الذئب يأكل لحم ذئب***** و يأكل بعضنا بعضاً عيانا

مواسم لا علاقه لها بالفصول

هُنالك مواسم للبكاء الذي لا دموع له ..

هُنالك مواسم للكلام الذي لا صوت له ..

هُنالك مواسم للحزن الذي لا مبرر له ..

هُناك مواسم للمفكرات الفارغة ..

والأيام المتشابهة البيضاء ..

هُنالك أسابيع للترقب وليالٍ للأرق ..

وساعات طويلة للضجر ..

هُنالك مواسم للحماقات .. وأخرى للندم ..

ومواسم للعشق .. وأخرى للألم ..

هُنالك مواسم .. لاعلاقة لها بالفصول ..

**

**

هُنالك مواسم للرسائل التي لن تُكتب ..

للهاتف الذي لا يدق ..

للاعترافات التي لن تقال ..

للعمر الذي لا بد أن ننفقه في لحظة رهان ..

هُنالك رهان نلعب فيه قلبنا على طاولة القمار ..

هُنالك لاعبون رائعون يمارسون الخسارة بتفوق ..

**

**

هُنالك بدايات السنة أشبه بالنهايات ..

هُنالك نهايات أسبوع أطول من كل الأسابيع ..

هُنالك صباحات رمادية لأيام لا علاقة لها بالخريف ..

هُنالك عواصف عشقيه لا تترك لنا من جوار

وذاكرة مفروشة لا تصلح للإيجار ..

**

**

هُنالك قطارات ستسافر من دوننا ..

وطائرات لن تأخذنا أبعد من أنفسنا ..

هُنالك في أعماقنا ركن لا يتوقف فيه المطر ..

هُنالك أمطار لا تسقي سوى الدفاتر..

هُنالك قصائد لن يوقعها الشعراء ..

هُنالك ملهمون يوقعون حياة شاعر ..

هُنالك كتابات أروع من كاتبها ..

هُنالك قصص حب أجمل من أصحابها ..

هُنالك عشاق أخطئوا طريقهم للحب ..

هُنالك حب أخطأ في اختيار عشاقه ..

**

**

هُنالك زمن لم يخلق للعشق ..

هُنالك عُشاق لم يخلقوا لهذا الزمن ..

هُنالك حُب خلق للبقاء ..

هُنالك حُب لا يبقي على شيء ..

هُنالك حُب في شراسة الكراهية ..

هُنالك كراهية لا يضاهيها حب ..

هُنالك نسيان أكثر حضوراً من الذاكرة ..

هُنالك كذب أصدق من الصدق ..

**

**

هُنالك أنا

هُنالك أنت

هُنالك مواعيد وهمية أكثر متعة من كل المواعيد..

هُنالك مشاريع حب أجمل من قصة حب ..

هُنالك فراق أشهى من ألف لقاء ..

هُنالك خلافات أجمل من أي صلح ..

هُنالك لحظات تمر عمراً ..

هُنالك عمر يحتضر في لحظة ..

هُنالك أنا .. وهنالك أنت ..

هُنالك دائماً مستحيل ما يولد مع كل حب

 

احلام مستغانمى–—

بين قطرات الماء …. حكمة

…

كن لـينا كالماء

يسكب في أوعيـة مختلفة الأشكـال والأحجـام والألـوان
فيغـيّر شكله ولكن .. دون أن يبدّل تركيبه ..!

نقـيّاً كالـمـاء ..ّّ

ألا ترى أن البحر طاهر مطهر لا يكدّره شيء
لو رميت حجراً .. سيتكدر سطحه لبرهات
لكن سـرعان ما سـيعود إلى ما كـان عليه ..!

حكـيماً كالـمـاء ..ّّ

ألا ترى أنه إذا اشتد الحر تبخّر وانطلق نحـو السماء
وحيـن يبرد الجو ويلطـف يتكاثـف ويـعود إلى الأرض في قطرات المطر ..!

صـبوراً كالـمـاء..ّّ

ألا ترى كيـف تندفـع الأمـواج نحو الصخور تارة تلو الأخرى
يوماً تلو اليوم .. أسـبوعا تلو أسبوع و قرناً بعد قرن
حتى تترك آثارها في الصخر الأصم ..!

ودوداً كالـمـاء ..ّّ

ألا ترى كم هـو لطيف ذلك الندى الذي يظهر كل صباح
يداعـب أوراق النبات الخضـراء ويجري بين نسيـم الصباح بخفة ..!

متواضعاً كالمـاء ..ّّ

ألا ترى أنه ينزل من أعالي السمـاء فوق السحاب
ويختـبئ في أعـماق الأرض ..

واسـع الصدر والأفـق ..ّّ

ألا ترى أنه لا يمـيّـز حين يتسـاقط بين قـصور الأغنياء وأكـواخ الفقراء ..!
بين حدائق الأغنياء وحقول الفقراء ..! بين بسـمة المتكبر .. وفـرحة البائس ..

قال تعالى :

” وجعلنا من الماء كل شيء حي “

إنه معلم حكيم . ..
فكن أنت طالباً نبيـهاً
وتأمل في خلق ا الله

تخاريف واحد مبسوط حبتين

تخاريف واحد مبسوط حبتين.

إشتري علبة شوكولاتة مستوردة غالية و كلها.

بص على بنت حلوة و إعرف أنها لو عرفتك كويس أكيد هتحبك.

إلعب لعبة مالعبتهاش من و إنت صغير.

إعرق و إنهج و حس إنك عايش.

إطفي نور أودتك شغل التكييف إسمع أكثر مزيكا بتحبها و إسرح معاها.

بص لأهلك و عرفهم قد إيه بتحبهم.

بص للي تحتك و إعرف قيمة كل حاجة معاك.

بص للي فوقيك و إعرف إن رغبتك إنك تبقى زيهم هي اللي مدية طعم لحياتك.

إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..

روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –

بص لبنت مغرورة و إضحك من جواك.

بص لبنت وحشة و عاكسها بنظراتك و إعرف إنها هترجع البيت مبسوطة.

بدون سبب إبعت رسالة لأي حد بتحبه قوله حاجة حلوة.

إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

إضربها جزمة.

خلى اللي يكره يكره و اللي يشتم يشتم وإعرف إنهم مضيعين وقتهم.

إتأكد إنك لو عارف إنك هتموت بكرة هتعمل نفس اللي بتعمله دلوقتي.

حب جامد قوي حتى لو حبك مش هيستمر لحد بليل.

كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.

أكسب نفسك و حب حد بيكرهك.

إكسب نفسك ثاني و حب حد بتكرهه.

إكسب نفسك ثاني و إنسى حد لسه بتحبه من غير ما تكرهه.

إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.

إنزل شجع مع الزملكاوية لما يكسبوا.. حتى لو إنت مش زملكاوي.

إقرا الكلام ده من غير ماتعلق عليه و لو مش عاجبك بطل قراية.

شوف فيلم الكيف و ماتتفرجش على آخر ربع ساعة فيه.

إتفرج على الناظر من أول ما بيظهر محمد سعد.

لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..

إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

شد مع عربية سيات.

إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

إفتكر قبل ما تنام كل الكلام الحلو اللي سمعت الناس بتقوله عنك.

كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.

كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.

شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.

سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

إستحمى في نص ساعة.. خلى المية تنزل على وشك و إسمع صوتها كويس.

جيب لنفسك هدية و إستنى لحد عيد ميلادك و إديها لنفسك.

جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.

ماتغضبش مهما حصل.

أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.

لو حد شتمك حط ده في تانك البنزين بتاعك علشان يبقى طاقة تحركك لقدام.

لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.

بص لإمبارح.. و شوف إتعلمت منه قد إيه..

خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..

إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..

إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..

إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

إتبسط.. و لو مش عايز تتبسط.. مش هتعرف تعكنن عليا.

لإن أنا مبسوط

🙂

 عمرو سلامة ،  17 يوليو 2008

الحلم

يمكن صحيح العمر بيعدى .. لكنى حاضن حلمى بتحدى
لا يوم هسيبه يموت ولا يصدى .. ولا يبقى يوم حدوتة كان يا مكان
اوعاك تقول ان الطريق مقفول .. اصبر وبكره بالأمل هتنول
وارمى توكالك على الكريم على طوول .. يزرع فى قلبك من الرضا بستان